ԲԱԶՄԱԲՆԱԿԱՐԱՆ ԲՆԱԿԵԼԻ ՇԵՆՔԻ ԿԱՌՈՒՑՈՒՄ ԶՈՎՈՒՆԻՈՒՄ
Եվս մեկ ավարտված նախագիծ՝ այս անգամ Զովունիում
«Արփա-Սևան» ԲԲԸ-ն հաջողությամբ ավարտել է 18-հարկանի բազմաբնակարան համալիրի կառուցումը Կոտայքի մարզում, Զովունի գյուղ, 30-րդ փողոց, 2-րդ նրբանցք 27 հասցեում։
Պատվիրատու՝ «ՄԵՏՐՈՒՄ ԻՆՎԵՍՏ ԳՐՈՒՊ» ՍՊԸ
Նախագծի բնութագիրը
Կառուցված է 21 հարկից բաղկացած կառույց՝ 3 ստորգետնյա և 18 վերգետնյա հարկ, որի ճարտարապետական լուծումները մշակված են՝ հաշվի առնելով տարածքի քաղաքաշինական առանձնահատկությունները։ Ստորգետնյա հարկերում տեղավորված են ավտոկայանատեղիներ և տեխնիկական սպասարկման տարածքներ։
Գործառնական բաշխումը
Առաջին հարկը նախատեսված է հասարակական նշանակության տարածքների համար, որոնք ապահովում են կառույցի և շրջակա միջավայրի կենսունակությունը։ Երկրորդ հարկում համատեղված են բնակելի և առևտրային տարածքներ։
Երրորդից տասնվեցերորդ հարկերում կազմակերպված են 1-ից 4 սենյականոց բնակարաններ՝ հարմարեցված տարբեր ընտանիքների կարիքներին։ Տասնյոթերորդ և տասնութերորդ հարկերում տեղադրված են պրեմիում դասի 4-5 սենյականոց բնակարաններ՝ սեփական տեռասներով։
Ճարտարապետական և ինժեներական լուծումները
Արտաքին հարդարումը կատարված է բնական քարերի, ժամանակակից նյութերի և ապակեպատ տարրերի համադրությամբ։ Կառուցված է հարթ տանիք՝ ներքին ջրահեռացման համակարգով։
Բակային տարածքի բարեկարգում
Կազմակերպված են հետիոտնային շավիղներ, ավտոկայանատեղիներ, կանաչ գոտիներ, հանգստի տաղավարներ, խաղահրապարակներ և ջրային տարրեր։ Հիմնական մուտքը կազմակերպված է 30-րդ փողոցի 2-րդ նրբանցքից։
